Business is booming.

ሓበሬታ ካብ ሚኒስትሪ ጥዕና

ሎሚ ኣብ መወሸብን መመርመሪን ማእከላት ዞባታት ማእከልን ደቡብን ብዝተገብረ ናይ ላቦራቶሪ መርመራታት፡ 20 ዜጋታት ብኮሮና ቫይረስ ምልካፎም ተረጋጊጹ’ሎ።

ንሳቶም፡ 13 ካብ መመርመሪ ማእከላት ዞባ ማእከል ኰይኖም፡ ኣድራሻኦም – 2 ካብ ማይ-ጭሆት፡ 2 ካብ ጎዳይፍ፡ ሓሓደ ድማ ካብ ዓዲ-ጓዕዳድ፡ ቤት-ገርግስ፡ ኣኽሪያ፡ መዓስከር ደንደን፡ ጸጸራት፡ ዓዲ-ንፋስ፡ ቲራቮሎ፡ ገዛ-ባንዳን ደቀምሓረን፣ ከምኡ’ውን 7 ካብ መመርመሪ ማእከላት ዞባ ደቡብ – ማለት 3 ካብ መንደፈራ፡ 2 ካብ ድባርዋ፡ 2 ድማ ካብ ዓዲ-ቐይሕ’ዮም።

እዚ ከም’ዚ’ሉ እንከሎ፡ ኮሮና ቫይረስ ተረኺብዎም ኣብ ሆስፒታል ዞባ ማእከል ተዓቚቦም ክንክን ክግበረሎም ዝጸንሑ 11 ዜጋታት፡ ሓውዮም ተፋንዮም።

በዚ መሰረት፡ ጠቕላላ ቊጽሪ ብኮሮና ቫይረስ ዝተለኽፉ ዜጋታት፡ ክሳብ ሎሚ 7533 በጺሑ’ሎ። 7322 ካብ’ዚኦም ሓውዮም ዝተፋነዉ፡ 62 ብሞት ዝተፈልዩ፡ 149 ድማ ገና ኣብ ሆስፒታላት ተዓቚቦም ዝርከቡ’ዮም።

ሚኒስትሪ ጥዕና 

08 ታሕሳስ 2021

This website uses cookies to improve your experience. We'll assume you're ok with this, but you can opt-out if you wish. Accept Read More