Business is booming.

ሓበሬታ ካብ ሚኒስትሪ ጥዕና

ሎሚ ኣብ መመርመሪን መወሸብን ማእከላት ዞባታት ማእከል፡ ሰሜናዊ ቀይሕ ባሕሪን ዓንሰባን ብዝተገብረ ናይ ላቦራቶሪ መርመራታት፡ 27 ዜጋታት ብኮሮና ቫይረስ ምልካፎም ተረጋጊጹ’ሎ።

ንሳቶም ድማ፡ 19 ካብ ዞባ ማእከል – ማለት 5 ካብ መወሸቢ ማእከል፡ 14 ድማ ካብ መመርመሪ ማእከላት ኰይኖም፡ ኣድራሻኦም – 3 ካብ ማእከል ከተማ፡ ሓሓደ ድማ ካብ ሰምበል፡ ዓዲ-ቀ፡ ኳዜን፡ ሰታንታኦቶ፡ ገዛ-ባንዳ፡ መዓስከር ደንደን፡ ፓራዲዞ፡ ሰንዓፈ፡ ዓዲ-ተከሌዛን፡ እምኒሓይልን መንደፈራን፣ 2 ካብ መመርመሪን መወሸብን ማእከላት ባጽዕ – ዞባ ሰሜናዊ ቀይሕ ባሕሪ፣ ከምኡ’ውን 6 ካብ መመርመሪን መወሸብን ማእከላት ዓዲተከሌዛን – ዞባ ዓንሰባ’ዮም።

እዚ ከም’ዚ’ሉ እንከሎ፡ ኮሮና ቫይረስ ተረኺብዎም ኣብ ሆስፒታላት ተዓቚቦም ክንክን ክግበረሎም ዝጸንሑ፡ 18 ካብ ዞባ ማእከል፡ ሓደ ድማ ካብ ዞባ ጋሽ-ባርካ፡ ብጠቕላላ 19 ዜጋታት ሓውዮም ተፋንዮም ኣለዉ።

በዚ መሰረት፡ ጠቕላላ ቊጽሪ ብኮሮና ቫይረስ ዝተለኽፉ ዜጋታት፡ ክሳብ ሎሚ 7713 በጺሑ’ሎ። 7509 ካብ’ዚኦም ሓውዮም ዝተፋነዉ፡ 65 ብሞት ዝተፈልዩ፡ 139 ድማ ገና ኣብ ሆስፒታላት ተዓቚቦም ዝርከቡ’ዮም።

 

ሚኒስትሪ ጥዕና

 16 ታሕሳስ 2021

 

 

 

 

This website uses cookies to improve your experience. We'll assume you're ok with this, but you can opt-out if you wish. Accept Read More