Business is booming.

ሓበሬታ ካብ ሚኒስትሪ ጥዕና

ሎሚ ኣብ መወሸብን መመርመሪን ማእከላት ዞባታት ማእከል፡ ደቡብ፡ ዓንሰባን ጋሽ-ባርካን ብዝተገብረ ናይ ላቦራቶሪ መርመራታት፡ 65 ዜጋታት ብኮሮና ቫይረስ ምልካፎም ተረጋጊጹ’ሎ።

ንሳቶም፡ 44 ካብ ዞባ ማእከል – ማለት 11 ካብ መወሸቢ ማእከል፡ 33 ድማ ካብ መመርመሪ ማእከላት ኰይኖም፡ ኣድራሻኦም 3 ካብ ማእከል ከተማ፡ 3 ካብ ሰምበል፡ 3 ካብ ደቀምሓረ፡ 2 ካብ ቲራቮሎ፡ 2 ካብ ቀሓውታ፡ 2 ካብ ማይ-ተመናይ፡ 2 ካብ ገዛባንዳ፡ ሓሓደ ድማ ካብ ጒላ፡ ዕዳጋ-ሓሙስ፡ በራኽ፡ ዓዲ-ጓዕዳድ፡ ኲዶብዑር፡ መንደፈራ፡ ዓዲ-ዃላ፡ ሰታንትኦቶ፡ ኣባሻውል፡ ዓመጺ፡ ዓዲ-ንፋስ፡ ጸጸራት፡ መዓስከር ደንደን፡ ኣርባዕተስመራ፡ ዓዲ-ኣበይቶን ገጀረትን፣ ከምኡ’ውን 10 ካብ መመርመሪ ማእከላት ዞባ ደቡብ – ማለት 3 ካብ ማይ-ድማ፡ 2 ካብ መንደፈራ፡ ሓሓደ ድማ ካብ ዓዲ-ቐይሕ፡ ደቀምሓረ፡ ጸሮና፡ ዓዲ-ዃላን ድባርዋን’ዮም።

ብዘይካ’ዚ፡ 9 ካብ ዞባ ዓንሰባ – ማለት ሓደ ካብ መወሸቢ ማእከል ከረን፡ 6 ካብ መመርመሪ ማእከላት ዒላበርዕድ፡ 2 ድማ ካብ መመርመሪ ማእከላት ዓዲ-ተከሌዛን፣ ከምኡ’ውን 2 ካብ መመርመሪ ማእከላት ግርማይካ – ዞባ ጋሽ-ባርካ፡ በቲ ቫይረስ ምልካፎም ተረጋጊጹ‘ሎ።

እዚ ከም’ዚ’ሉ እንከሎ፡ ኮሮና ቫይረስ ተረኺብዎም ኣብ ሆስፒታላት ተዓቚቦም ክንክን ክግበረሎም ዝጸንሑ፡ 17 ካብ ዞባ ማእከል፡ 9 ካብ ዞባ ደቡብ፡ 9 ከኣ ካብ ዞባ ዓንሰባ፡ ብጠቕላላ 35 ዜጋታት ሓውዮም ክፋነዉ ከለዉ፡ ጓል 86 ዓመት ኣደ ካብ ዞባ ማእከል ድማ ብሞት ተፈልያ።

በዚ መሰረት፡ ጠቕላላ ቊጽሪ ብኮሮና ቫይረስ ዝተለኽፉ ዜጋታት፡ ክሳብ ሎሚ 8128 በጺሑ’ሎ። 7819 ካብ’ዚኦም ሓውዮም ዝተፋነዉ፡ 77 ብሞት ዝተፈልዩ፡ 232 ድማ ገና ኣብ ሆስፒታላት ተዓቚቦም ዝርከቡ’ዮም።

ሚኒስትሪ ጥዕና

 04 ጥሪ 2022

This website uses cookies to improve your experience. We'll assume you're ok with this, but you can opt-out if you wish. Accept Read More