Business is booming.

ሓበሬታ ካብ ሚኒስትሪ ጥዕና

ሎሚ ኣብ መመርመሪን መወሸብን ማእከላት ዞባታት ማእከል፡ ደቡብ፡ ዓንሰባን ጋሽ-ባርካን ብዝተገብረ ናይ ላቦራቶሪ መርመራታት፡ 47 ዜጋታት ብኮሮና ቫይረስ ምልካፎም ተረጋጊጹ’ሎ።

ንሳቶም ድማ፡ 30 ካብ መመርመሪ ማእከላት ዞባ ማእከል ኰይኖም፡ ኣድራሻኦም – ደምበ-ሰምበል፡ ኣርባዕተስመራ፡ ኣባሻውል፡ ሰረጀቓ፡ ጻዕዳ-ክርስትያን፡ መዓስከር ደንደን፡ ሕምብርቲ፡ ምለዛናይ፡ ማይ-ኣጣልን መንደፈራን፣ 8 ካብ መመርመሪ ማእከላት ዞባ ደቡብ – ማለት 6 ካብ መንደፈራ፡ ሓደ ካብ ጸሮና፡ ሓንቲ ድማ ካብ እምኒ-ሓይሊ፣ 6 ካብ ዞባ ዓንሰባ – ማለት 3 ካብ መወሸቢ ማእከል ከረን፡ 2 ካብ መመርመሪ ማእከል ዒላበርዕድ፡ ሓደ ድማ ካብ መመርመሪ ማእከል ዓዲ-ተከሌዛን፣ ከምኡ’ውን 3 ካብ መመርመሪ ማእከል ባረንቱ – ዞባ ጋሽ-ባርካ’ዮም።

እዚ ከም’ዚ’ሉ እንከሎ፡ ኮሮና ቫይረስ ተረኺብዎም ኣብ ሆስፒታል ዞባ ማእከል ተዓቚቦም ክንክን ክግበረሎም ዝጸንሑ 57 ዜጋታት ሓውዮም ክፋነዉ ከለዉ፡ ወዲ 99 ዓመት ካብ ዞባ ዓንሰባን ጓል 72 ዓመት ካብ ዞባ ማእከልን ብሞት ተፈልዮም ኣለዉ።

በዚ መሰረት፡ ጠቕላላ ቊጽሪ ብኮሮና ቫይረስ ዝተለኽፉ ዜጋታት፡ ክሳብ ሎሚ 9,297 በጺሑ’ሎ። 8,712 ካብ’ዚኦም ሓውዮም ዝተፋነዉ፡ 93 ብሞት ዝተፈልዩ፡ 492 ድማ ገና ኣብ ሆስፒታላት ተዓቚቦም ዝርከቡ’ዮም።

 ሚኒስትሪ ጥዕና

 23 ጥሪ 2022

This website uses cookies to improve your experience. We'll assume you're ok with this, but you can opt-out if you wish. Accept Read More