Business is booming.

ሓበሬታ ካብ ሚኒስትሪ ጥዕና  

ሎሚ ኣብ መመርመሪን መወሸብን ማእከላት ዞባታት ማእከል፡ ደቡብ፡ ዓንሰባን ሰሜናዊ ቀይሕ ባሕሪን ብዝተገብረ ናይ ላቦራቶሪ መርመራታት፡ 58 ዜጋታት ብኮሮና ቫይረስ ምልካፎም ተረጋጊጹ’ሎ።

ንሳቶም ድማ፡ 27 ካብ መመርመሪ ማእከላት ዞባ ማእከል ኰይኖም፡ ኣድራሻኦም – ዓዲ-ተኽላይ፡ ማእከል-ከተማ፡ ኣኽሪያ፡ ዕዳጋ-ሓሙስ፡ ቤት-መኻእ፡ ገዛ-ባንዳ፡ ከረን፡ ኣፍዓበት፡ ሓጋዝ፡ ሰታንትኦቶን ምለዛናይን፣ 18 ካብ መመርመሪ ማእከላት ዞባ ደቡብ – ማለት 8 ካብ ሰንዓፈ፡ 5 ካብ መንደፈራ፡ 4 ካብ ድባርዋ፡ ሓደ ድማ ካብ ዓዲ-ቐይሕ፣ 10 ካብ መመርመሪ ማእከላት ዞባ ዓንሰባ – ማለት 8 ካብ ሃበሮ፡ 2 ድማ ካብ ከረን፣ ከምኡ’ውን 3 ካብ መወሸቢ ማእከላት ዞባ ሰሜናዊ ቀይሕ ባሕሪ – ማለት 2 ካብ ባጽዕ፡ ሓደ ድማ ካብ ዳህላክ’ዮም።

እዚ ከም’ዚ’ሉ እንከሎ፡ ኮሮና ቫይረስ ተረኺብዎም ኣብ ሆስፒታላት ተዓቚቦም ክንክን ክግበረሎም ዝጸንሑ፡ 45 ካብ ዞባ ደቡብ፡ 42 ካብ ዞባ ማእከል፡ 2 ድማ ካብ ዞባ ጋሽ-ባርካ፡ ብጠቕላላ 89 ዜጋታት ሓውዮም ተፋንዮም ኣለዉ።

በዚ መሰረት፡ ጠቕላላ ቊጽሪ ብኮሮና ቫይረስ ዝተለኽፉ ዜጋታት፡ ክሳብ ሎሚ 9,390 በጺሑ’ሎ። 8,871 ካብ’ዚኦም ሓውዮም ዝተፋነዉ፡ 95 ብሞት ዝተፈልዩ፡ 424 ድማ ገና ኣብ ሆስፒታላት ተዓቚቦም ዝርከቡ’ዮም።

 

     ሚኒስትሪ ጥዕና

      25 ጥሪ 2022

This website uses cookies to improve your experience. We'll assume you're ok with this, but you can opt-out if you wish. Accept Read More