Business is booming.

ሓበሬታ ካብ ሚኒስትሪ ጥዕና

ሎሚ ኣብ መመርመሪን መወሸብን ማእከላት ዞባታት ማእከል፡ ደቡብን ዓንሰባን ብዝተገብረ ናይ ላቦራቶሪ መርመራታት፡ 53 ዜጋታት ብኮሮና ቫይረስ ምልካፎም ተረጋጊጹ’ሎ።

ንሳቶም ድማ፡ 26 ካብ መመርመሪ ማእከላት ዞባ ማእከል ኰይኖም፡ ኣድራሻኦም – ጸጸራት፡ እምባደርሆ፡ ማእከል ከተማ፡ ፓራዱባ፡ ኣባሻውል፡ ፓራዲዞ፡ ዛውል፡ ከረን፡ መንደፈራ፡ ኣፍዓበት፡ ሽከቲን መንሱራን፣ 23 ካብ መመርመሪ ማእከላት ዞባ ደቡብ – ማለት 7 ካብ እምኒ-ሓይሊ፡ 7 ካብ መንደፈራ፡ 5 ካብ ሰንዓፈ፡ 2 ካብ ድባርዋ፡ ሓሓደ ድማ ካብ ጸሮናን ዓዲ-ቐይሕን፣ ከምኡ’ውን 4 ካብ ዞባ ዓንሰባ – ማለት 3 ካብ መወሸቢ ማእከል ከረን፡ ሓደ ድማ ካብ መመርመሪ ማእከል ሃበሮ’ዮም።

እዚ ከም’ዚ’ሉ እንከሎ፡ ኮሮና ቫይረስ ተረኺብዎም ኣብ ሆስፒታላት ተዓቚቦም ክንክን ክግበረሎም ዝጸንሑ፡ 43 ካብ ዞባ ማእከል፡ 10 ካብ ዞባ ደቡብ፡ 6 ካብ ዞባ ጋሽ-ባርካ፡ 5 ካብ ዞባ ዓንሰባ፡ 5 ድማ ካብ ዞባ ሰሜናዊ ቀይሕ ባሕሪ፡ብጠቕላላ 69 ዜጋታት ሓውዮም ተፋንዮም።

በዚ መሰረት፡ ጠቕላላ ቊጽሪ ብኮሮና ቫይረስ ዝተለኽፉ ዜጋታት፡ ክሳብ ሎሚ 9,489 በጺሑ’ሎ። 9,073 ካብ’ዚኦም ሓውዮም ዝተፋነዉ፡ 97 ብሞት ዝተፈልዩ፡ 319 ድማ ገና ኣብ ሆስፒታላት ተዓቚቦም ዝርከቡ’ዮም።

     ሚኒስትሪ ጥዕና

      8 ጥሪ 2022

This website uses cookies to improve your experience. We'll assume you're ok with this, but you can opt-out if you wish. Accept Read More