Business is booming.

ሓበሬታ ካብ ሚኒስትሪ ጥዕና

ሎሚ ኣብ መመርመሪን መወሸብን ማእከላት ዞባታት ማእከል፡ ደቡብን ሰሜናዊ ቀይሕ ባሕሪን ብዝተገብረ ናይ ላቦራቶሪ መርመራታት፡ 21 ዜጋታት ብኮሮና ቫይረስ ምልካፎም ተረጋጊጹ’ሎ።

ንሳቶም ድማ፡ 13 ካብ መመርመሪ ማእከላት ዞባ ማእከል ኰይኖም፡ ኣድራሻኦም – ማእከል-ከተማ፡ ሰምበል፡ ቲራቮሎ፡ ገዛ-ባንዳ፡ ሕምብርትን ሰንዓፈን፣ 4 ካብ መመርመሪ ማእከላት ዞባ ደቡብ – ማለት ሓሓደ ካብ መንደፈራ፡ ዓረዛ፡ ድባርዋን እምኒ-ሓይልን፣ ከምኡ’ውን 4 ካብ መወሸቢ ማእከላት ዞባ ሰሜናዊ ቀይሕ ባሕሪ – ማለት 3 ካብ ባጽዕ፡ ሓደ ድማ ካብ ናቕፋ’ዮም።

እዚ ከም’ዚ’ሉ እንከሎ፡ ኮሮና ቫይረስ ተረኺብዎም ኣብ ሆስፒታላት ተዓቚቦም ክንክን ክግበረሎም ዝጸንሑ፡ 22 ካብ ዞባ ማእከል፡ 2 ድማ ካብ ዞባ ደቡብ፡ ብጠቕላላ 24 ዜጋታት ሓውዮም ተፋንዮም።

በዚ መሰረት፡ ጠቕላላ ቊጽሪ ብኮሮና ቫይረስ ዝተለኽፉ ዜጋታት፡ ክሳብ ሎሚ 9,601 በጺሑ’ሎ። 9,323 ካብ’ዚኦም ሓውዮም ዝተፋነዉ፡ 99 ብሞት ዝተፈልዩ፡ 179 ድማ ገና ኣብ ሆስፒታላት ተዓቚቦም ዝርከቡ’ዮም።

 

  ሚኒስትሪ ጥዕና

   03 ለካቲት 2022

This website uses cookies to improve your experience. We'll assume you're ok with this, but you can opt-out if you wish. Accept Read More